Нур Чолпон Улукбек
Нур Чолпон Улукбек Ош шаарында 1997-жылы 23-июлда юристтердин үй-бүлөсүндө төрөлгөн. 2006-2007-жылдары Ош шаарындагы Мээрим фондуна караштуу улуттук бий ийримине 2 жыл катышып, 2007-жылы музыкалык мектепке скрипка адистигине окуй баштайт. 2008-2010-жылдары гитара адистигин да кошо окуйт. 2008-2012-жылдары хип-хоп жана брейк денс бийлери менен машыгып, өзүнчө тайпа түзүп, ал тайпасы менен бий таймашынан жеңишке жетип, Атай Өмүрзаковдун "Я Танцор" фестивалына жолдомо утуп алышат. 2009-2011-жылдары "Келечек" балдар борборунда гитара менен ырдоо ийримине Маматмуса Бакировдун классына катышат. 2011-2012-жылдары Гапар Айтиев атындагы сүрөт мектебин да окуп бүтүрөт. 2011-2012-жылдары ОшМУнун искусство факультетине академиялык вокал сабактарына бир жыл барат. 2012-2016-жылдары Муратаалы Күрөңкөев атындагы музыкалык окуу жайынын академиялык вокал адистигин артыкчылык диплому менен аяктайт. Дипломдук программасына В. Моцарттын "Царица ночи" ариясын, А. Алябьевтин "Соловей" ырын аткарып, сынак комиссиясынын жогорку баасына татыктуу болот. Студенттик кзинде эле 2013-жылы опера жана балет театрында "Акрамов концертине" катышып, чоң сахнада тушоосу кесилет. 2014-жылы ал театрдын "Кошкин дом" балдар операсында мыймыйдын ролун сахнага аткарып чыгат. Ошол эле окуу жайда Нур Чолпон экинчи кесипке окуп, 2017-жылы музыка теориясы адистиги боюнча да артыкчылык дипломун алат. 2017-жылы Калый Молдобасанов атындагы Кыргыз Улуттук консерваториясына композитор жана опера ырчысы адистигине тапшырып, эки кесипке тең окуй баштаган.
2018-жылы "Кыргыз кайрык" аттуу элдик музыкалык өнөрдү өркүндөтүү лагерине катышып, үн, скрипка, виолончель жана фортепианого жазылган "Кыргыз бата" аттуу чыгармасын жазган. 2018-жылы Дүйнөлүк Көчмөндөр оюнунун ыктыярдуу элчиси болуп, режиссер Айбек Дайырбеков тарткан биринчи кыргыз мюзикл тасмасы "Дарак ырында" башкы каарман Бегимайдын бүт вокалдык чыгармаларын аткарган жана эпизоддук ролго өзү да ырдап катышып, актёрдук кесипке киришкен. Аны менен катар Аманат Иманалиевтин "Чолпон" аттуу кыскаметраждуу тасмасында башкы каарманды аткарган. 2021-жылы китепканаачылар гимнинин музыкасын жазат. 2020-жылы мыкты окуусу жана коомчулук иш-чара, сынактарга такай катышкандыгы үчүн президенттик стипендиянын лауреаты болгон.
2020-жылы кыргыз улуттук жетиген аспабын өздөштүр аракетинде болуп, ал аспапка элдик ыр-күүлөрдү, композиторлордун чыгармаларын салат. 2021-жылы элдик ырларды иштеп чыгаргандыгы үчүн "Ала-Тоо таңшыйт" улуттук музыкалык сыйлыгы ыйгарылат. 2022-жылы дипломдук ишине "Ай тентек" аттуу жаштарга арналган операсын жазып, консерваторияны композитор адистиги боюнча артыкчылык диплому менен аяктайт.
2022-жылы Россия менен Украинанын согушуна багыштап "Тынчтык гимнин" жазган. Кийинчерээк дал ушул чыгармасынын шарапаты менен Нур Чолпонду Японияга стажировкага чакырышат. 2022-жылдын сентябрь айынан баштап 2024-жылдын январ айына чейин Нур Чолпон Японияда кесиптик стажировкада жүрүп 30дан ашык иш-чараларына катышып келет. Нур Чолпонду Японияга чакырган Otogi Koubou компаниясы: "Нур Чолпон стажировка маалында сахна жана эфирге 30 жолу катышты. Алардын ичинен бир жолу Хиросима шаарында 2 сааттык жеке концертин берди, 2 жолу радио эфирине катышты, 16 жолу сахнага чыкты, көп иш-чараларды өткөрдү" деп жазган.
Жаш композитор чыгармачылык жолунда көп сынактарга катышты.2017-жылы Азербайжандын эл аралык "Youthvision" сынагына Кыргызстандын атынан катышып, "Эркиндик" аттуу автордук чыгармасы менен 2-орунду ээлеген. 2017-жылы орус романстарын аткаруу боюнча эл аралык "Романсиада" сынагына катышып, 2-орунду алган. 2019-жылы Кыргыз Республикасынын Композиторлор союзунун 80 жылдык мааракесине карата эн мыкты обондуу ырлардын сынагында “Атуулдук обондор” номинациясында "Кыргыз бата" аттуу ыры менен Гран При жеңген, балдар обондору номинациясында "Алтын балалык" ыры менен 3-орунду ээлеген. 2020-ж Башкирияда өткөн композиторлордун эл аралык сынагында "Кыргыз бата" аттуу вокалдык чыгармасы менен 1-орунга жеткен. "Чынгыз Айтматовду жоктоо" аттуу хордук чыгармасы менен 2-орунга татыган.
2020-жылы Ютуб корпорациясынын күмүш баскычынын ээси болгон. 2024-жылы КРнын Маданият министрлиги аны “Маданияттын мыкты кызматкери төш белгиси” менен сыйлаган. Кыргыз Республикасынын композиторлор союзуна 2022-жылы кабыл алынган.
Чыгармалары:
Ырлар: "Эркиндик" (с. Кудурет Тайчабаров, 2016), колоратура үнү, скрипка, виолончель жана фортепианого "Кыргыз бата" (с. Шайлообек Рашевдики, 2019), “Китепканачылардын гимни” (с. Тагаева К. Н. жана Марлис уулу Э., 2021), “Тынчтык гимни” (сөзү өзүнүкү, 2022), "Алтын балалык" (с. Улукбек Атабаевдики, 2019), хордук вокализ "Чынгыз Айтматовду жоктоо" (2020); Жетиген аспабы үчүн иштетилген кыргыз ырлары.-“Паризат”, “Булбулум”, “Сагындым” (2020);
киномузыка: "Эрмен жыты" мюзиклине музыка (режиссер Айбек Дайырбеков, 2020-2022) "Балачагымдын асманы" документалдык тасмага музыка (2022);
опера: "Ай тентек" жаштар операсы (Либреттосу Бүбүсара Калыкова, 2022).
Библиография: Алымкулова.Т. Жаш ырчы Нур Чолпон Бакуда өткөн эл аралык сынакта 2 орунду алды. (Супер кж. 22 04.2017), Витастын ырын созуп алкоого алынган Нур Чолпон.( Супер кж. 24 январь,2020), Момбекова. Б. Студент болгон кезинен алат. (Супер кж. 26 декабрь 2020), Жийдебаева. Н. “Апам намысымы тийип ырчы болгом.” (Супер кж. 2020 6-12 август № 922), Нур Чолпон (Супер инфо. 23-29 июнь 2023№ 1072)
Түзгөн Жыпар Акматова
Нур Чолпон Улукбек Ош шаарында 1997-жылы 23-июлда юристтердин үй-бүлөсүндө төрөлгөн. 2006-2007-жылдары Ош шаарындагы Мээрим фондуна караштуу улуттук бий ийримине 2 жыл катышып, 2007-жылы музыкалык мектепке скрипка адистигине окуй баштайт. 2008-2010-жылдары гитара адистигин да кошо окуйт. 2008-2012-жылдары хип-хоп жана брейк денс бийлери менен машыгып, өзүнчө тайпа түзүп, ал тайпасы менен бий таймашынан жеңишке жетип, Атай Өмүрзаковдун "Я Танцор" фестивалына жолдомо утуп алышат. 2009-2011-жылдары "Келечек" балдар борборунда гитара менен ырдоо ийримине Маматмуса Бакировдун классына катышат. 2011-2012-жылдары Гапар Айтиев атындагы сүрөт мектебин да окуп бүтүрөт. 2011-2012-жылдары ОшМУнун искусство факультетине академиялык вокал сабактарына бир жыл барат. 2012-2016-жылдары Муратаалы Күрөңкөев атындагы музыкалык окуу жайынын академиялык вокал адистигин артыкчылык диплому менен аяктайт. Дипломдук программасына В. Моцарттын "Царица ночи" ариясын, А. Алябьевтин "Соловей" ырын аткарып, сынак комиссиясынын жогорку баасына татыктуу болот. Студенттик кзинде эле 2013-жылы опера жана балет театрында "Акрамов концертине" катышып, чоң сахнада тушоосу кесилет. 2014-жылы ал театрдын "Кошкин дом" балдар операсында мыймыйдын ролун сахнага аткарып чыгат. Ошол эле окуу жайда Нур Чолпон экинчи кесипке окуп, 2017-жылы музыка теориясы адистиги боюнча да артыкчылык дипломун алат. 2017-жылы Калый Молдобасанов атындагы Кыргыз Улуттук консерваториясына композитор жана опера ырчысы адистигине тапшырып, эки кесипке тең окуй баштаган.
2018-жылы "Кыргыз кайрык" аттуу элдик музыкалык өнөрдү өркүндөтүү лагерине катышып, үн, скрипка, виолончель жана фортепианого жазылган "Кыргыз бата" аттуу чыгармасын жазган. 2018-жылы Дүйнөлүк Көчмөндөр оюнунун ыктыярдуу элчиси болуп, режиссер Айбек Дайырбеков тарткан биринчи кыргыз мюзикл тасмасы "Дарак ырында" башкы каарман Бегимайдын бүт вокалдык чыгармаларын аткарган жана эпизоддук ролго өзү да ырдап катышып, актёрдук кесипке киришкен. Аны менен катар Аманат Иманалиевтин "Чолпон" аттуу кыскаметраждуу тасмасында башкы каарманды аткарган. 2021-жылы китепканаачылар гимнинин музыкасын жазат. 2020-жылы мыкты окуусу жана коомчулук иш-чара, сынактарга такай катышкандыгы үчүн президенттик стипендиянын лауреаты болгон.
2020-жылы кыргыз улуттук жетиген аспабын өздөштүр аракетинде болуп, ал аспапка элдик ыр-күүлөрдү, композиторлордун чыгармаларын салат. 2021-жылы элдик ырларды иштеп чыгаргандыгы үчүн "Ала-Тоо таңшыйт" улуттук музыкалык сыйлыгы ыйгарылат. 2022-жылы дипломдук ишине "Ай тентек" аттуу жаштарга арналган операсын жазып, консерваторияны композитор адистиги боюнча артыкчылык диплому менен аяктайт.
2022-жылы Россия менен Украинанын согушуна багыштап "Тынчтык гимнин" жазган. Кийинчерээк дал ушул чыгармасынын шарапаты менен Нур Чолпонду Японияга стажировкага чакырышат. 2022-жылдын сентябрь айынан баштап 2024-жылдын январ айына чейин Нур Чолпон Японияда кесиптик стажировкада жүрүп 30дан ашык иш-чараларына катышып келет. Нур Чолпонду Японияга чакырган Otogi Koubou компаниясы: "Нур Чолпон стажировка маалында сахна жана эфирге 30 жолу катышты. Алардын ичинен бир жолу Хиросима шаарында 2 сааттык жеке концертин берди, 2 жолу радио эфирине катышты, 16 жолу сахнага чыкты, көп иш-чараларды өткөрдү" деп жазган.
Жаш композитор чыгармачылык жолунда көп сынактарга катышты.2017-жылы Азербайжандын эл аралык "Youthvision" сынагына Кыргызстандын атынан катышып, "Эркиндик" аттуу автордук чыгармасы менен 2-орунду ээлеген. 2017-жылы орус романстарын аткаруу боюнча эл аралык "Романсиада" сынагына катышып, 2-орунду алган. 2019-жылы Кыргыз Республикасынын Композиторлор союзунун 80 жылдык мааракесине карата эн мыкты обондуу ырлардын сынагында “Атуулдук обондор” номинациясында "Кыргыз бата" аттуу ыры менен Гран При жеңген, балдар обондору номинациясында "Алтын балалык" ыры менен 3-орунду ээлеген. 2020-ж Башкирияда өткөн композиторлордун эл аралык сынагында "Кыргыз бата" аттуу вокалдык чыгармасы менен 1-орунга жеткен. "Чынгыз Айтматовду жоктоо" аттуу хордук чыгармасы менен 2-орунга татыган.
2020-жылы Ютуб корпорациясынын күмүш баскычынын ээси болгон. 2024-жылы КРнын Маданият министрлиги аны “Маданияттын мыкты кызматкери төш белгиси” менен сыйлаган. Кыргыз Республикасынын композиторлор союзуна 2022-жылы кабыл алынган.
Чыгармалары:
Ырлар: "Эркиндик" (с. Кудурет Тайчабаров, 2016), колоратура үнү, скрипка, виолончель жана фортепианого "Кыргыз бата" (с. Шайлообек Рашевдики, 2019), “Китепканачылардын гимни” (с. Тагаева К. Н. жана Марлис уулу Э., 2021), “Тынчтык гимни” (сөзү өзүнүкү, 2022), "Алтын балалык" (с. Улукбек Атабаевдики, 2019), хордук вокализ "Чынгыз Айтматовду жоктоо" (2020); Жетиген аспабы үчүн иштетилген кыргыз ырлары.-“Паризат”, “Булбулум”, “Сагындым” (2020);
киномузыка: "Эрмен жыты" мюзиклине музыка (режиссер Айбек Дайырбеков, 2020-2022) "Балачагымдын асманы" документалдык тасмага музыка (2022);
опера: "Ай тентек" жаштар операсы (Либреттосу Бүбүсара Калыкова, 2022).
Библиография: Алымкулова.Т. Жаш ырчы Нур Чолпон Бакуда өткөн эл аралык сынакта 2 орунду алды. (Супер кж. 22 04.2017), Витастын ырын созуп алкоого алынган Нур Чолпон.( Супер кж. 24 январь,2020), Момбекова. Б. Студент болгон кезинен алат. (Супер кж. 26 декабрь 2020), Жийдебаева. Н. “Апам намысымы тийип ырчы болгом.” (Супер кж. 2020 6-12 август № 922), Нур Чолпон (Супер инфо. 23-29 июнь 2023№ 1072)
Түзгөн Жыпар Акматова