БАДЕМИЛОВА ДАМИРА
Композитор Дамира Бадемилова Кыргыз ССРнин Фрунзе шаарында 1956-жылы апрелдин жыйырма үчүндө төрөлгөн. Бала кезинен музыкага кызыгып беш жашынан Геологоуправлениенин алдындагы музыкалык студияда фортепиано үйрөнө баштайт. 1964-1971-жылдары Фрунзе шаарындагы П. Шубин атындагы Борбордук балдар музыкалык мектебинде фортепианого окуйт. Андан кийин Республикалык атайын музыкалык орто мектеп-интернатына кирип, фортепиано менен бирге композициядан А. Жаныбековдон таалим ала баштайт. 1975-жылы Б. Бейшеналиева атындагы Кыргыз мамлекеттик искусство институтуна тапшырып, композициядан К. Молдобасановдон окуйт. 3-курста окуп жүргөндө институтта композиция бөлүмүн көп жыл жетектеген композитор, профессор Мукаш Абдраевдин элесине арнап фортепиано, скрипка жана виолончелге “Трио” жазат. Ал чыгарма 1979-жылы Кыргыз ССР композиторлор союзунун пленумунда аткарылып, угуучулардын жылуу кабыл алуусунда болгон. 1982-жылы окуусун аяктап, композитор адистигине ээ болот.
1982-1987-жылдары Д. Бадемилова Пржевальск (Каракол) шаарындагы музыкалык окуу жайында окутуучулук кызматында болот. 1987-жылы Фрунзе шаарына көчүп келип, Кыргыз телерадиосунда үнрежиссер болуп эмгектенет. 1988-1995-жылдары үй-бүлөөлүк шартка байланыштуу Талас шаарына көчүп барып, балдар музыкалык мектебинде иштеп калат. 1995-жылы үй-бүлөөсү менен кайра Бишкеке көчүп келип 2015-жылга чейин балдар музыкалык мектебинде иштеп, ошол эле убакта Аламүдүн райондук балдар музыкалык театр студиясын жетектейт.
Чыгармачылыкта жетишкен ийгиликтери ага VIII-Бүткүл союздук студенттик иш конкурсунун I-даражадагы Дипломун (1982), II Республикалык жаштар чыгармачылык Жумалыгынын лауреаттыгын (1982), Республикалык лирикалык-патриоттук ырлар кароо-сынактын лауреатыгын (1995) алып келди.
Азыркы күндө Д. Бадемилова негизинен чыгармачылык менен алек болуп, фортепиано жана оркестр үчүн Концерттин үстүндө иштөөдө.
Чыгармалары:
Симфониялык оркестрге: «Ата журт» симфониялык гравюрлар;
аспаптык: Фортепиано, скрипка жана виолончель үчүн трио (М.Абдраевге арналган), «Ала-Тоо жерим, гүлдөгүн» фортепиано үчүн фантазия, «Старинное сказание» фортепиано үчүн эркин темадагы вариациялар, Фортепианолук миниатюрлар, Полифониялык прелюд;
аваздык: «Айлуу түндө Ыссык-көл» хор жана төрт солист үчүн ыр,
ырлар: “Сүйгөнүмө” с. А.Токомбаевдики (1995), “Бакыт үйү” с. К. Бобуловдуку (1995), «Таарынбачы» с. К. Маликовдуку, «Ай нурунда кышкы түн» с. А. Токомбаевдики, «Июнь айы-тамаша» с. А. Токомбаевдики, «Барсыңбы, досум, барсыңбы?» с. К. Бобуловдуку, «Жаз кирет түшүмө» с. Ф. Абдалованыкы, «Турмуш-араба» с. А. Токомбаевдики, «Мезгил учат» с. А. Токомбаевдики, «Ким билет?» с. А. Токомбаевдики, «Бакыт үйү-жапыс там» с. К. Бобуловдуку, «Неге эле эске түшөсүң?» с. Ф. Абдалованыкы, «Сагындым сизди жан досум» с. Б. Карагулованыкы, «Көздөрүң укмуш турбайбы!»; романстар: «Көз жашым неге төгүлөт?» с. А. Токомбаевдики, «Чынардык бөбөгү» с. М. Жангазиевдики, «Бөбөлөр» с. Б. Карагулованыкы, «Көздөрүң укмуш турбайбы» с. Б. Карагулованыкы, «Жүрөктү кыйпайт бир элес» с. Б. Карагулованыкы, «Назик үнү» с. А. Токомбаевдики, «Жэр Уйкуда» с. А. Жакшылыковдуку. баллада «Жаз кирет түшүмө» ж.б.
Композитор Дамира Бадемилова Кыргыз ССРнин Фрунзе шаарында 1956-жылы апрелдин жыйырма үчүндө төрөлгөн. Бала кезинен музыкага кызыгып беш жашынан Геологоуправлениенин алдындагы музыкалык студияда фортепиано үйрөнө баштайт. 1964-1971-жылдары Фрунзе шаарындагы П. Шубин атындагы Борбордук балдар музыкалык мектебинде фортепианого окуйт. Андан кийин Республикалык атайын музыкалык орто мектеп-интернатына кирип, фортепиано менен бирге композициядан А. Жаныбековдон таалим ала баштайт. 1975-жылы Б. Бейшеналиева атындагы Кыргыз мамлекеттик искусство институтуна тапшырып, композициядан К. Молдобасановдон окуйт. 3-курста окуп жүргөндө институтта композиция бөлүмүн көп жыл жетектеген композитор, профессор Мукаш Абдраевдин элесине арнап фортепиано, скрипка жана виолончелге “Трио” жазат. Ал чыгарма 1979-жылы Кыргыз ССР композиторлор союзунун пленумунда аткарылып, угуучулардын жылуу кабыл алуусунда болгон. 1982-жылы окуусун аяктап, композитор адистигине ээ болот.
1982-1987-жылдары Д. Бадемилова Пржевальск (Каракол) шаарындагы музыкалык окуу жайында окутуучулук кызматында болот. 1987-жылы Фрунзе шаарына көчүп келип, Кыргыз телерадиосунда үнрежиссер болуп эмгектенет. 1988-1995-жылдары үй-бүлөөлүк шартка байланыштуу Талас шаарына көчүп барып, балдар музыкалык мектебинде иштеп калат. 1995-жылы үй-бүлөөсү менен кайра Бишкеке көчүп келип 2015-жылга чейин балдар музыкалык мектебинде иштеп, ошол эле убакта Аламүдүн райондук балдар музыкалык театр студиясын жетектейт.
Чыгармачылыкта жетишкен ийгиликтери ага VIII-Бүткүл союздук студенттик иш конкурсунун I-даражадагы Дипломун (1982), II Республикалык жаштар чыгармачылык Жумалыгынын лауреаттыгын (1982), Республикалык лирикалык-патриоттук ырлар кароо-сынактын лауреатыгын (1995) алып келди.
Азыркы күндө Д. Бадемилова негизинен чыгармачылык менен алек болуп, фортепиано жана оркестр үчүн Концерттин үстүндө иштөөдө.
Чыгармалары:
Симфониялык оркестрге: «Ата журт» симфониялык гравюрлар;
аспаптык: Фортепиано, скрипка жана виолончель үчүн трио (М.Абдраевге арналган), «Ала-Тоо жерим, гүлдөгүн» фортепиано үчүн фантазия, «Старинное сказание» фортепиано үчүн эркин темадагы вариациялар, Фортепианолук миниатюрлар, Полифониялык прелюд;
аваздык: «Айлуу түндө Ыссык-көл» хор жана төрт солист үчүн ыр,
ырлар: “Сүйгөнүмө” с. А.Токомбаевдики (1995), “Бакыт үйү” с. К. Бобуловдуку (1995), «Таарынбачы» с. К. Маликовдуку, «Ай нурунда кышкы түн» с. А. Токомбаевдики, «Июнь айы-тамаша» с. А. Токомбаевдики, «Барсыңбы, досум, барсыңбы?» с. К. Бобуловдуку, «Жаз кирет түшүмө» с. Ф. Абдалованыкы, «Турмуш-араба» с. А. Токомбаевдики, «Мезгил учат» с. А. Токомбаевдики, «Ким билет?» с. А. Токомбаевдики, «Бакыт үйү-жапыс там» с. К. Бобуловдуку, «Неге эле эске түшөсүң?» с. Ф. Абдалованыкы, «Сагындым сизди жан досум» с. Б. Карагулованыкы, «Көздөрүң укмуш турбайбы!»; романстар: «Көз жашым неге төгүлөт?» с. А. Токомбаевдики, «Чынардык бөбөгү» с. М. Жангазиевдики, «Бөбөлөр» с. Б. Карагулованыкы, «Көздөрүң укмуш турбайбы» с. Б. Карагулованыкы, «Жүрөктү кыйпайт бир элес» с. Б. Карагулованыкы, «Назик үнү» с. А. Токомбаевдики, «Жэр Уйкуда» с. А. Жакшылыковдуку. баллада «Жаз кирет түшүмө» ж.б.