КУРМАНОВ ЭРКИН
(1951-2013)
Эркин Юсупович Курманов 1951-жылы 15-майда Фрунзе шаарында туулган. 1968-жылы Кыргыз ССРинин 50 жылдык атындагы Кыргыз мамлекеттик университетинде билим алган. Музыкага болгон кызыгуусунан улам 1977-1988-жылдары Б. Бейшеналиева атындагы Кыргыз мамлекеттик искусство институтуна тапшырып, композитор адистиги боюнча музыкалык билимин арттырат.
Эмгек жолун В. Маяковский атындагы Кыргыз мамлекеттик кыз келиндер педагогикалык институтунда лаборант, концертмейстер болуп баштаган. Кийин Б. Бейшеналиева атындагы Кыргыз мамлекеттик искусство институтунда фольклор кабинетинин башчысы болуп үзүрлүү эмгектенди. Кыргыз республикасынын композиторлор Союзуна мүчөлүккө 1991-жылы кабыл алынган. Э. Курманов негизинен камералык аспаптык жанрда көп иштеди. Скрипка, виолончель, фортепианонун аткаруучулук мүмкүнчүлүгүн кенен көрсөтүүнү көздөгөн программалуу мазмундагы чакан пьесаларды арбын жаратты.
Чыгармалары
Камералык аспаптык: ”Соңкөлдө” аттуу скрипка жана фортепиано үчүн пьесалардын түрмөгү, Фортепиано үчүн үч бөлүмдү соната, “Али-Бабанын түшү” аталыштагы фортепиано үчүн жазылган пьесалардын түрмөгү, Скрипка, виолончель жана фортепиано үчүн трио, Кыл аспаптар үчүн №1-квартет, №2-квартет;
Симфониялык оркестрге: вокалдык симфониялык поэма, Фортепиано үчүн вариация, Үн жана симфониялык оркестр үчүн концерт;
Аваздык: Ондон ашуун романстар жана ырлар.
Библиография: Композиторы Кыргызской Республики. Курманов Эркин Юсупович. Бишкек: Госпатентное служба. Полирафический центр “ДЭМИ”. 2008, 60-бет.
Түзгөн Жыпар Акматова.
(1951-2013)
Эркин Юсупович Курманов 1951-жылы 15-майда Фрунзе шаарында туулган. 1968-жылы Кыргыз ССРинин 50 жылдык атындагы Кыргыз мамлекеттик университетинде билим алган. Музыкага болгон кызыгуусунан улам 1977-1988-жылдары Б. Бейшеналиева атындагы Кыргыз мамлекеттик искусство институтуна тапшырып, композитор адистиги боюнча музыкалык билимин арттырат.
Эмгек жолун В. Маяковский атындагы Кыргыз мамлекеттик кыз келиндер педагогикалык институтунда лаборант, концертмейстер болуп баштаган. Кийин Б. Бейшеналиева атындагы Кыргыз мамлекеттик искусство институтунда фольклор кабинетинин башчысы болуп үзүрлүү эмгектенди. Кыргыз республикасынын композиторлор Союзуна мүчөлүккө 1991-жылы кабыл алынган. Э. Курманов негизинен камералык аспаптык жанрда көп иштеди. Скрипка, виолончель, фортепианонун аткаруучулук мүмкүнчүлүгүн кенен көрсөтүүнү көздөгөн программалуу мазмундагы чакан пьесаларды арбын жаратты.
Чыгармалары
Камералык аспаптык: ”Соңкөлдө” аттуу скрипка жана фортепиано үчүн пьесалардын түрмөгү, Фортепиано үчүн үч бөлүмдү соната, “Али-Бабанын түшү” аталыштагы фортепиано үчүн жазылган пьесалардын түрмөгү, Скрипка, виолончель жана фортепиано үчүн трио, Кыл аспаптар үчүн №1-квартет, №2-квартет;
Симфониялык оркестрге: вокалдык симфониялык поэма, Фортепиано үчүн вариация, Үн жана симфониялык оркестр үчүн концерт;
Аваздык: Ондон ашуун романстар жана ырлар.
Библиография: Композиторы Кыргызской Республики. Курманов Эркин Юсупович. Бишкек: Госпатентное служба. Полирафический центр “ДЭМИ”. 2008, 60-бет.
Түзгөн Жыпар Акматова.